Monday, March 8

पोलियो थोपाको साटो स्यानिटाइजर खुवाउँदा १२ बालबालिका अस्पताल भर्ना पूरा पढनुहोस्

February 2, 2021 108

एजेन्सी ।भारतको महाराष्ट्रमा पोलियो थोपाको साटो स्यानिटाइजर खुवाउँदा १२ जना बालबालिका बिरामी भएर अस्पताल भर्ना भएका छन् । महाराष्ट्रको यवतमाल जिल्लाको कापसिकोपरी गाउँमा १२ बालबालिकालाई पोलियोको साटो स्यानिटाइजर खुवाउँदा ती बालबालिका बिरामी भएर अस्पताल भर्ना भएको खबर एक भारतीय सञ्चार माध्यमले जनाएको छ । सबै बालबालिकाको उमेर पाँच वर्षभन्दा कम रहेको कुरा उक्त समाचारमा जनाईएको छ ।

पालियो भनेर स्यानिटाईजर खुवाएपछि ती १२ जना बालबालिकाहरुले बा’न्ताका साथै असहज महसुस गरेपछि उनीहरुको चेक जाँच गरियो । र त्यसपछि उनीहरुलाई जिल्ला अस्पताल भर्ना गरिएको छ । उनीहरुको स्वास्थ्यस्थिती स्थिर भएको बताइएको छ ।

डाक्टरको समूहले उनीहरुको निगरानी गरिरहेको छ । यो विषयमा भानबोरा प्राथमिक स्वास्थ्य केन्द्रका एक डाक्टर, आंगनवाडीकी एक सेविका र एक कार्यकर्ताविरुद्ध अनुसन्धानको आदेश दिइएको छ ।

यवतमालका सामाजिक कार्यकर्ता किशोर तिवारीले आफूले स्वास्थ्यमन्त्री राजेश टोपेलाई भेट गर्ने र दो’षीमाथि कारवाहीको माग गर्ने जानकारी दिएका छन् ।
घटना आइतबारको हो ।

त्यसको भोलिपल्ट सोमबार जब पोलियो अभियान लिएर आएका समूहलाई यसबारे जानकारी दिइयो तब उनीहरुलाई आफ्नो गल्ती महसुस भएको र उनीहरुले दोस्रोपटकमा ती बालबालिकालाई पोलियोको थोपा खुवाए ।

यो पनिपढ़नु होस:काभ्रे । तामाङ समुदायको सांस्कृतिक पर्व ‘सोनाम ल्होसार’को अवसरमा काभ्रेपलाञ्चोकको नमोबुद्ध नगरपालिकाले तीन दिन सार्वजनिक बिदा दिने निर्णय गरेको हो ।

सोमबार बसेको नगर कार्यपालिकाको बैठकले २८५७औँं सोनाम ल्होसारको अवसरमा नगरपालिका कार्यालय र त्यसअन्तर्गतका सरकारी कार्यालयमा तीन दिन सार्वजनिक बिदा दिने निर्णय गरेको छ ।

त्यसैगरी तेमाल गाउँपालिकाले पनि ल्होसारको अवसरमा तीन दिन सार्वजनिक बिदा दिने निर्णय यसअघि नै गरिसकेको छ ।

गाउँपालिकाले ल्होसार पर्व मनाउनको लागि आगामी माघ २८, २९ र ३० गते गाउँपालिकाअन्तर्गत सम्पूर्ण कार्यालय र शैक्षिक संस्थासमेत बिदा दिने निर्णय गरेको गाउँपालिकाले जनाएको छ ।

तामाङ समुदायले ल्होसारलाई सांस्कृतिक तथा धार्मिक पर्वको रुपमा मनाउने गर्दछ ।

तामाङ भाषामा ‘ल्हो’ को अर्थ वर्ष र ‘सार’ को अर्थ नयाँ भन्ने जनाउँछ । त्यसैले ल्होसारको अर्थ नयाँ वर्ष भन्ने हुन्छ ।

चन्द्रमास पात्रोअनुसार माघ शुक्ल प्रतिपदाको दिनलाई ल्होसार अर्थात नयाँ वर्ष मान्ने गरिन्छ ।

ल्होसारमा १२ वटा जीवजन्तुको नामबाट ल्हो खोर्लो अर्थात वर्ष चक्रको आधारमा हरेक वर्ष पुरानो वर्षलाई बिदाई र नयाँ वर्षलाई स्वागत गरी धार्मिक र सांस्कृतिक विधिअनुसार पर्व मनाउने गरिन्छ ।

प्रतिकृया दिनुहोस्