Saturday, February 27

प्रचण्डलाई नेता मान्न सकिएन भन्दै शेरवहादुर तामाङ र उषाकला राईले गरे प्रचण्ड – नेपाल समुह परित्याग

February 20, 2021 74

काठमाडौँ — केहि महिना अगाडी पूर्वकानुनमन्त्री शेरबहादुर तामाङ र उनकी पत्नी उषाकला राई पुष्पकमल दाहाल-माधवकुमार नेपाल नेतृत्वको नेकपाको पक्षमा देखिएका थिए । तामाङ र राई बिहीबार दाहाल-नेपाल समूहले बबरमहलमा डाकेको केन्द्रीय कमिटी बैठकमा सहभागी भएपछि उनीहरु प्रचण्ड – नेपालको समूहमा गएको प्रस्टै भएको थियो ।

यसै क्रममा अहिले विघटित प्रतिनिधिसभा सदस्य तथा नेकपा केन्द्रीय सदस्य शेरवहादुर तामाङ र प्रदेश १ को प्रदेशसभा सदस्य उषाकला राईले प्रचण्ड-माधव नेपाल समूह परित्याग गरेका छन् ।

शेरवहादुर र उषाकला दम्पत्ती आजै केपी ओली पक्षमा खुल्ने भएका छन् । तामाङ पार्टी विभाजन लगत्तै एक दिन ओली पक्षको संसदीय दलको बैठकमा सहभागी भएर प्रचण्ड-माधव पक्षमा लागेका थिए ।

नेपाल प्रेस संग कुराकनी गर्दे सिन्धुपाल्चोक क्षेत्र नम्बर २ का सासंद समेत रहेका तामाङले भने–प्रचण्डलाई नेता मानेर उनलाई बोकेर हिड्न सकिएन,त्यसैले हामी अब संस्थापन नेकपा मा नै छौ ।’

आजै विराटनगरमा आयोजना हुने आमसभाबाट उषाकलाले अ‍ोली पक्षमा लागेको घोषणा गर्ने बताइएको छ

प्रतिकृया दिनुहोस्