Friday, March 5

काका मरेको ५ दिनमा करिनाको घरमा भव्य पार्टी, बलिउडमा हलचल

February 15, 2021 68

हालै आफ्ना भाइ गुमाएका रणधीर कपुरले १५ फेब्रुअरीम आफ्नो ७४ औं जन्मदिन मनाइरहेका छन् । यो मौकामा १४ फेब्रुअरी बेलुका कपुर परिवारले बर्थडे डिनरको आयोजना गरे । यसका लागि कपुर परिवार र यससँग सम्बन्धित मानिसहरु चेम्बस्थित राज कपुरको बंगलामा भेला भए ।

यतिबेला गर्भवती करिना कपुर आफ्ना श्रीमान् सैफ अली खानसँग, तारा सुतारिया प्रेमी आदर जैनसँग र आलिया भट्ट प्रेमी रणबीर कपुरसँग डिनरमा समावेश भए । डिनरमा गएको तस्बिर सार्वजनिक भएपछि प्रयोगकर्ताले उनीहरुलाई नराम्रोसँग ट्रोल गरेका छन् ।

वास्तवमा अघिल्लो हप्तामात्रै रणधीर कपुरका कान्छा भाइ राजिव कपुरको निधन भएको छ । यस्तोमा उनको निधन भएको पाँच दिनपछि नै डिनरसहित जन्मदिन मनाउँदा धेरै मानिसहरु रुष्ट भएका छन् । थुप्रै मानिसहरुले काकाको निधन भएको एक हप्ता पनि नबित्दै पार्टी गरेको भन्दै करिना र रणबीरलाई कटाक्ष गरेका छन् ।

डिनर आयोजना गरेको अघिल्लो दिन अर्थात् फेब्रुअरी १३ मा राजिव कपुरको चौथी राखिएको थियो । त्यतिबेला परिवारका सदस्यबाहेक बलिउडका थुप्रै हस्ती समावेश भएका थिए । स्मरण रहोस्, राजिव कपुर राज कपुरका कान्छा छोरा थिए ।

प्रतिकृया दिनुहोस्